Exitoso Carwash di Kiwanis Builders Club na Colegio San Antonio

ORANJESTAD (AAN): Recientemente, e organizacion di Kiwanis Builders Club di Colegio San Antonio MAVO na Santa Cruz, a organisa un actividad yama ‘Carwash 4 Charity’.

   DIARIO a compronde, cu e evento aki tabata un gran exito y a reuni  comunidad di Kiwanis Builders Club y di e scol pa un bon causa.

   Mas cu claro, nan ta hopi agradecido pa tur hende cu a contribui, participa y apoya nos durante e dia.  Tur esnan cu a trece nan auto y demas vehiculo pa haya un bon laba, a wordo hopi agradeci.  E alumnonan a demostra tambe cu nan por traha na forma agil cu e pressure washer, y tambe cu paña y chamois pa duna un bon servicio, tanto parti exterior y tambe interior di autonan.

   Nan ta manda palabra di danki pa haci e iniciativa aki posibel y un exito.  Den e simannan benidero lo evalua y determina cua organisacion lo ricibi donacion di Kiwanis Builders Club di Colegio San Antonio.