Hopi cosecha di Pitaya y Comcomber chikito na Santa Rosa

ORANJESTAD (AAN): E dinamico trahador Amalia na Santa Rosa, tin e pasenshi pero alavez e perseverancia pa haci un trabao,

y preparando cosecha nobo eynan pa bay pa nan cliente nan.

   Siman a habri y Santa Rosa tin enorme cosecha di Pitaya (‘Dragonfruit’) y tambe Comcomber chikito.

   Pitaya ta un fruta tropical cu ta crece riba un “cadushi cu ta subi”, y ta procedente di Centro America.  E fruta tin un exterior di sea roos of geel vibrante, cu blachinan estilo scama color berde, y un parti paden di pulpo sea cora of blanco, cu ta mezcla cu simia preto.

   Ta asina cu e Dragonfruit aki no ta djis bunita pa mira, pero e tin un sabor zoet sutil, cu tiki smaak parecido na na berry, peer, kiwi, y patia.  Pitaya ta un bon fuente di Vitamina C, fibra y antioxidante, y ta conoci pa su propiedadnan probiotico, cu por promove un tripa saludabel pa e ser humano.