Prome Ministro presente na celebracion di Dia di Independencia di Peru

ORANJESTAD (AAN): Riba Diadomingo tabatin celebracion di comunidad Peruano residencia na Aruba,

debi cu ta conmemora e fecha di Dia di Independencia di Peru.

   Tabatin un actividad grandi na Centro di Bario Playa Pabao, y aki nan a ricibi bishita tambe di Prome Ministro Mike Eman y su esposa Doina.

   Organizadornan tabata hopi contento cu bishita di Prome Ministro, kende a probecha di e ocasion pa pasa saluda tur e Peruanonan cu tabata celebrando.  Fuera di esey el a saca varios potret tambe cu esnan presente.

   Tur aña, nan ta conmemora e fecha cu Peru a obtene su independencia.  General Jose de San Martin, conoci como e libertador di Peru, ta esun cu a proclama independencia riba fecha di 28 di Juli, y a logra exito den esey, y asina Peru a obtene libertad di e imperio Spaño.