Honor special na hubilaria Carol na CMB Bank

ORANJESTAD (AAN): Cu hopi orguyo y aprecio, durante un brindis special na CMB Bank a celebra e hecho cu exactamente 30 aña pasa, Carol Alders a drenta den servicio cu e banco.

   A ser splica cu Carol a cuminsa su carera na CMB como General Administration Clerk, y cu su esfuerso y profesionalismo, awo Carol ta nan Supervisor Merchant Services.

   Su dedicacion y apoyo na demas funcionario- y empleadonan ta wordo aprecia. Y su pasion pa brinda un servicio excelente na e clientenan a yuda crea confiansa y experiencia positivo.

   Gerencia a duna palabranan elocuente di pabien na Carol, y tambe su coleganan cu a yega pa felicit’e.  Hopi pabien.