Hofi di Colegio San Antonio MAVO ta sigui crece

ORANJESTAD (AAN): Tabata aña pasa na September, cu Colegio San Antonio MAVO a usa un pida espacio disponible na e scol na Santa Cruz,

pa nan start cu un proyecto pa eynan crea un hofi pa planta un variedad di mata.

   Alumnonan di scol mes a yuda den planta simia, yuda pone tubonan pa guia e matanan ora nan crece, y asina a keda regularmente ta muha e matanan cu a wordo poni den baki.

   Y ta tur dia, e alumnonan ta pasa pa mira con e progreso ta sigui y mira con e matanan a crece, a haya mas blachi, y tambe flornan a presenta.

   Recien ya caba nan a mira e.o. yambo ta crece, demas fruta, y varios fruta bunita.  Sigur un otro exito di Hofi na Colegio San Antonio MAVO.  Pabien na e persona encarga, na alumnonan, y docentenan.