A cuminza recicla carton pa traha caha di webo na Aruba mes

ORANJESTAD (AAN): Recientemente Minister Ursell Arends a bishita Cunucu Aruba Dushi Tera. 

E bishita ta den cuadro di e hecho, cu nan a cuminsa recicla carton pa traha caha di webo.

   E propietarionan di e cunucu a desaroya un facilidad riba nan tereno unda cu ta procesa cahanan di carton descarta. Esakinan, a traves uzo di makinaria, ta worde garna y reforma na empake di webo.

   E tipo di iniciativanan aki seguramente ta yuda nos economia move den un direccion mas sostenibel. Pues procesamento cu ta yuda cera ciclo di nos desperdicio ta netamente locual cu nos isla mester.

   Minister Arends ta gradici David Kock, su famia y su team pa e invitacion y pa nan bon trabao den e ambito di reciclahe.