Hobennan di Formacion Social a ricibi nan baret

ORANJESTAD (AAN): Riba Diabierna a tuma lugar na Marinierskazerne Savaneta, un ceremonia pa asina honra e hobennan cu a finaliza e ehercicio final (FINEX) cu exito pa e asina yama Formacion Social (Social Vormings Traject/SVT).

   Un total di casi 20 hoben di Aruba durante cuatro luna a sigui un trayectoria di formacion militar.

   Den un entrevista cu un di e hobennan, esta L. Croes, el a splica cu e Formacion Social aki ta un trayecto hopi importante den cada un nan bida, como cu e ta traha riba nan disciplina, respet, y e ta un paso pa nan por bay dilanti den bida, den cualkier trabao, cualkier trayectoria cu bo pasa, e lo bay yudabo den bida.

   Diabierna tabata un dia festivo pa nan, como cu un grupo grandi a logra finaliza nan ehercicio final, danki na tur kaders eynan.

   Pa e training final nan a bay cana varios kilometer den areanan robusto di Aruba, pasa na tur e bocanan di costa, subi seronan di Arikok, pues experiencia cu casi nunca bo ta haci.  Bo mester ta fisica- y mentalmente prepara pa logra esaki.

   “Hopi di nos ta agradecido di por a tuma e decision aki,” L. Croes a bisa.

   Awor cu e training militar a finaliza, e siguiente paso pa hopi di nan ta pa bay core stage pa asina obtene experiencia den mundo laboral.  Pero L. Croes mes a bisa cu den su caso, e ta bay haci opleiding di Arumil na Curacao.