Gustave Nouel cu homenahe na Rembrandt riba plaza Grote Kerkhof na Deventer

Aki 3 siman na Hulanda

ORANJESTAD (AAN): Diadomingo 25 di augustus benidero, plaza Grote Kerkhof na Deventer lo ser trasforma pa di dos biaha den un plaza di arte manera Place du Tertre na Montmartre, Paris y mas ciudad cosmopolitano.

   Un mercado di arte cu pintura, dibuho, scultura, obra grafico, ceramica, arte di glas, joyería, diseño, cu artista famoso, retratista, street-art y hopi mas. Un podium nobo pa artista di tur nivel.
  E retratista y dibuhante internacionalmente activo Gustave Nouel di Aruba ta un invitado especial di organizacion ‘Kunst en Cultuur aan de IJssel’ y lo ofrece su performance di pintura famoso ‘Oda na Rembrandt’ riba e plaza banda di Lebuinuskerk dilanti di Stadhuis di Deventer.

   Durante e prome edicion di e evento nobo aki Gustave Nouel tambe a realisa un performance inspira pa un autoretrato di Rembrandt den tecnica universal di ‘street-art’.Esey tabata dia 21 di juli pasa.

   Den su hubentud, durante y despues di su estudionan academico y post-academico, el a pinta y sketch portret hunto cu artista internacional di henter mundo, riba plaza na diferente país. Cu su performance di pintura ‘Homenaje na Rembrandt’, Gustave Nouel ta gusta mustra su admiracion pa e gran retratista Rembrandt.

   Dia 25 di augustus, además de su performance promocional ‘Homenaje na Rembrandt’, Gustave Nouel lo kier sorprende publico interesa cu ‘speed-sketch’ y karikatura, hunto cu algun amigo artista, su ex-alumnonan di Kunstcircuit y miembronan di asociación di artista DAK.

   DAK a acerca Gustave Nouel cu su experiencia internacional pa yuda guia artistanan regional cu ta miembro di e asociacion aki. Obra di diferente di su alumno y di mas artista regional lo por ser admira desde 6 di augustus na e exposicion anual di DAK den Lebuïnuskerk.

   Lo bay tin workshops di Gustave Nouel tambe na Apeldoorn y internacionalmente.  Hende interesa na Apeldoorn por tuma contacto cu Sr. Bert Diks di galería ARTFRA (06-28932293), cu ta organizando workshops nobo di pinta portret cu e famoso pintor Arubiano. Recientemente Gustave Nouel a bay bishita Indonesia y region di Caribe. Na Aruba el a duna workshops na ArtisA y na Plaza Bookshop Aruba y sus pintura a ser exponi na mini museo Rancho hunto cu arte di algun artistas local reconosi.

   Na Bali tanto e museo ARMA na Ubud como e academia di arte ISI na Denpasar kier trece GN back Bali na 2025 pa su workshops y performance 'Homenaje na Rembrandt'.