Guizza Maria Steenvoorde ta uza arte pa uni nacionnan

Miss Teen Universe Aruba

ORANJESTAD (AAN): Beyeza ta topa arte ora Guizza Maria Steenvoorde, e Miss Teen Universe Aruba actual, ta revela un poderoso mensahe artistico cu ta celebra union di nacionnan.

   Cu dos obra di arte impresionante, crea hunto cu su mama, Michella, inspira den un tayer dirigi pa e artista arubiano renombra Elisa Lejeuz, Guizza Maria ta enfatisa e conexion profundo entre Aruba y Nicaragua (dos nacion uni den cultura, beyeza y e espiritu di Miss Teen Universe).

   E obra di arte simbolico aki lo worde presenta na e director di Miss Teen Universe, Alexander Montiel, di Nicaragua, como un regalo sincero, representando e mision di e concurso pa fomento amistad cultural.

   Guizza Maria,  ta hopi mas cu un reina di belleza: E ta un modelo Internacional talentoso, bailarina, cantante, poeta y pintora cu ta expresa su arte for di tempo cu e ta mucha. Su pasion profundo pa creatividad a duna e, e oportunidad pa conecta cu hendenan di diferente cultura, convirtiendo asina den un berdadero embahador di union y expresion artístico.

   "Arte ta papia un idioma Universal, un idioma cu ta drenta tur frontera, idioma y origen," Guizza Maria ta expresa. "Cu e obra nan aki, mi kier accentua cu NO ta di importancia di unda nos ta bini, nos ta tur conecta. Aruba y Nicaragua por ta separa den distancia, pero nos curason ta bati como un so."

   E dos obra di arte nan, cu color vibrante y elemento abstracto, ta refleha e calidez y diversidad di e dos nacionnan. Crea bou di e guia di Elisa Lejeuz, un artista visionario conoci pa su estilo audaz y expresivo, e obra nan ta conta un historia di herencia, soño y union.

   Michella Steenvoorde, mama di Guizza y su compañero creativo den e proyecto aki, ta expresa su orguyo: "Mirando Guizza plasma su vision den arte tabata verdaderamente inspirado. Esaki ta hopi mas cu un pintura; esaki ta un simbolo di union."

   E plataforma di Miss Teen Universe semper a enfoca no solamente riba  belleza, pero tambe ta trata di trece dilanti proposito, influencia y cambio positivo. E iniciativa di Guizza ta reforza e idea cu arte, mescos cu concurso di belleza, tin e poder pa uni hendenan, inspira y crea dialogo significativo.

   E obranan ta unico y sincero di Miss Teen Universe Aruba, y ta un testimonio di e poder di creatividad y con reinanan di belleza di awe ta usando nan plataforma pa logra un cambio real.

  Mientras Guizza ta prepara pa representa Aruba riba e escenario internacional, e ta hiba cune no solamente e color di su bandera, sino tambe e alma di su pueblo—expresa den e strokenan di su pincel y e poder di su vision.

   E concurso di Miss Teen Universe lo ta na Punta Cana, dia 13 di April. Hunto cu mas di 30 candidata participe di diferente pais rond di mundo, Aruba lo hiba su cultura, demostra su talentonan y mustra con chikito nos Isla ta pero grandi den expresion.

   Aruba po vota pa “People’s Choice”.  Djis bishita e link missteenuniverse.1voting.com y bo por vota.

   E ganadora ta garantiza di e posicion automatico den Top 6.  “Laga Arte inspira bo, yuda bo y guia bo Semper”.