Grupo SVT Damas Aruba hunto cu e team di Arumil a bay Curacao y a pasa den un experiencia unico

ORANJESTAD (AAN)—Jessy Ras, Coordinador di e Proyecto Formacion Social (SVT), a conta con e experiencia tabata cu e grupo di dama cu hunto cu ne y Arumil,

a bay sigui un training na Curacao, y a comparti cu e grupo di mucha homber, ya cu e grupo di dama aya, a termina nan trayecto pa e aña aki.

            Nan a bay dia 24 di November cu e Boto Militar Hulandes Pelican. Nan a keda te dia 30 di November. Na Curacao e grupo di dama di SVT Aruba a haci diferente training riba nan mes pero tambe hunto cu SVT Curacao cu ta bezig tambe, y nan a traha hunto, a push otro.

            Jessy a expresa cu e ta hopi orguyoso di e damanan aki, cu a demostra cu nan tambe por, y di con nan a performance durante e dianan aki. Nan a logra nan medaya den landamento, cu ta algo unico y tambe cu nan a haya un medaya cu militarnan ta haya. El a comenta cu Arumil tambe a participa, pues tabata full un team apoyando otro pa logra e meta.

            E tabata un experiencia unico y pa otro aña nan kier pa Curacao tambe bin Aruba cu nan grupo, pa asina conoce otro, motiva, apoya y push otro y tambe como team nan por siña di otro. No solamente e damanan a conoce otro hobennan den SVT  pero e instructornan tambe a sinta den varios ocasion cu e team di Curacao, pa nan comparti ideanan, pues nan tambe a start poco tempo pasa cu nan trayecto, y nan por a comparti cu otro kico a bay bo y menos bon. 

            Na Curacao tambe nan a  cuminza aña pasa cu un grupo di damas pero nan a caba nan trayecto. SVT aya tin tres instructor femenino. Tambe nan tin e parti di Curmil y tambe tabata un experiencia unico pa e hobennan di Aruba di a ser conoci cu e prome dama militar di Curacao, cu ta un Curmil y cu tambe a motiva nan, pasobra e damanan tambe tin interes den sigui e trayecto militar.