Grupo local di docente a viaha pa un intercambio na Italia

ORANJESTAD (AAN): Recientemente un grupo di docente a sali rumbo pa Italia cu e programa di Erasmus Plus.

   Lider di e grupo, alavez cabesante di Pius X School, señora Sheila Tromp a indica cu e ta prome proyecto di e scol como tambe prome programa di un scol basico. E programa tin un duracion di un siman caminda e docentenan ta participa activamente den e intercambio.

   Un total di 10 docente di e scol, 8 docente boluntario cu ta yuda e scol den un of otro forma y 2 trahado social di SKOA ta forma parti di programa aki. E docentenan ta bay haci un (job shadowing) como tambe ta participa na diferente cursonan y por ultimo ta haci un investigacion con y ta bay mira con otro pais ta maneha y trata cu inclusion na scolnan regular.

   Minister Endy Croes tabata na Aeropuerto pa desea e docentenan hopi exito cu e bunita proyecto aki.