Grupo di Maria College a bay mira expo di Mosaik Picassiette

ORANJESTAD (AAN): Señora Enrita Werleman y su studiantenan a presenta recien nan exposicion ‘Mozaik Picassiette’ na Biblioteca.

  E alumnonan di Ciclo Avanza-1 di profil ‘Humaniora’ di Maria College MAVO tambe a bay mira esaki.  Bishita di e alumnonan ta forma parti di e vak di Educacion di Arte y Cultura (CKV) pa asina e alumno por siña aprecia arte y siña mas di e tecnica di Mozaik.

   Mientras arte di mosaik tradicional  ta usa pida chikito di mosaik, pique assiette ta usa pida di tayo corta pa forma un obra di arte. Na Frances e palabra Pique Assiette ta nifica “recohedo di tayo” of  “landron di tayo” y ta referi na usa tayo of recicla tayo kibra, sobra di glas y traha arte cu esaki.

   E alumnonan di Maria College ta manda gradici señora Werleman y su studiantena pa e bunita obranan di arte.

   Asina ta, si bo kibra un tayo bo ta bay mir’e na un manera diferente. Tayo no ta pa pone cuminda so, pero por traha obra di arte tambe cu ne.