Grupo di 22 hoben bayendo pa siguiente fase pa bira funcionario di Guardacosta

ORANJESTAD (AAN); Den fin di siman, e aspirantnan di e Basisopleiding Kustwacht (BOK) na Guardacosta di Caribe Hulandes,

a marcha despues di cuatro siman intensivo di introduccion y drenta e Base di Marina Parera na Curacao.

   E 22 aspiratnan procedente di Aruba, Curacao, y St. Maarten tin cada uno un meta, esta pa nan tin un fabuloso carera na Guardacosta di Caribe Hulandes.

   Durante e simannan di introduccion, e hobennan pa cuatro siman largo bao guia di diferente instructor, a cana y conoce diferente mondi, a sa di marcha varios kilometer, a landa, a cushina nan mes, a traha lancha, sigui lesnan den klas, y tambe haci training amfibico.

   Nan ehercicio final pa e simannan di introduccion a cuminza di Diahuebs anochi caba.  Nan a marcha pa varios kilometer y tambe paddle riba lama cu destino final, e base di marina na Parera.

   E hobennan a wordo ricibi cu gran aplauso ora cu na na drenta e base militar na Curacao.

   DIARIO a compronde cu e siman aki e aspirantnan ta cuminza cu e siguiente parti di e lesnan.