Grupo di 20 participante a completa e “Sport & Event Micro-Certificate Program”

Enfatisando e importancia di un bon maneho deportivo

ORANJESTAD (AAN):  Den un colaboracion entre Universidad di Aruba, Ministerio di Deporte di Aruba  y “University of South Carolina” (USC) a organisa un curso specifico pa eleva e nivel di dirigentenan deportivo den cuadro di maneho y organisacion di evento.

            E nomber di e programa aki ta “Sport & Event Micro-Certificate Program”, unda alrededor di 20 participante a ricibi 5 diferente modulo, cada un duna door di un diferente profesor di e universidad di South Carolina, cu ta experto den su ramo.

Module 1: Managing Part-Time Volunteers and Employees by Dr. Samuel Todd

Module 2: The Business of Sport (Management andOperations) by Dr. Andy Gillentine

Module 3: Introduction to Venue and Event Management by Adonis “Sporty” Jeralds

Module 4: Sport and Event Marketing by Dr.Stephen Shapiro

Module 5: The Finance of Sport Event Management byDr. Matt Brown

            Pa e curso aki, Comite Olimpico Arubano a ricibi e oportunidad pa por manda un miembro di e staff, y a manda Jonathan Wever, cu recien a keda nombra como “Chief Operating Officer” y ta encarga cu operacionnan y eventonan di COA, banda di ta parti di e ekipo di Direccion di Deporte cu ta e departamento tecnico. Despues di a sigi tur modulo, a logra termina e curso aki exitosamente, y asina a ricibi e certificado final.

            Di parti di COA, kier gradici tur partner cu a haci e curso aki posibel y ta contento di tende cu lo organisa esaki otro aña atrobe. 

Fuente: Facebook COA