Groundbreaking Historico pa e FIFA Forward 7 Turf Project na SV Nacional

ORANJESTAD (AAN): E siman aki, cu hopi orguyo Arubaanse Voetbal Bond hunto cu Aruba a celebra un momento historico cu

e groundbreaking oficial di e prome FIFA Forward 7 Turf Project na S.V. Nacional; e prome di 7 clubnan di futbol na Aruba cu lo ricibi un veld di turf nobo.

   Durante e evento tabata presente representantenan di FIFA, Edelgrass, Minister di Enseñansa y Deporte, Sra. Gerlien Croes, Directiva y staf di AVB, Directiva di S.V. Nacional y diferente stakeholders importante pa e momento historico aki pa desaroyo di futbol na Aruba.

   E proyecto aki ta representa e inversion di mas grandi di FIFA y proyecto di mas grandi cu Edelgrass lo construi, y ta un orguyo enorme cu Aruba a haya e confiansa pa lidera un iniciativa di e magnitud aki.

Presidente, Randolf Laclé semper a bisa: "Con AVB por crece y laga mi clubnan miembro ta hunga den tera"

   E vision pa e proyecto aki a cuminsa na 2018 bou liderazgo di Presidente di AVB, Randolf Lacle, kende cu hopi dedicacion, perseverancia y amor pa su comunidad a lucha pa haci e soño aki bira realidad. Awe nos ta celebra no solamente e cuminsamento di construccion, pero tambe e resultado di años di trabou duro, colaboracion y vision pa futuro di futbol na Aruba.

   Pabien Aruba! Hunto nos ta sigui traha pa progreso di Aruba su futbol.