Daniel Tecklenborg, director CEDE Aruba:
ORANJESTAD (AAN) Señor Daniel Tecklenborg, Director di CEDE Aruba, durante e ceremonia di apertura di Aruba Doet-2026, a dirigi na esnan presente y a expresa cu manera tur hende sa, Aruba Doet ta e accion boluntario mas grandi di Aruba, y e aña aki ta e di 14 aña cu e proyecto ta tumando lugar, y CEDE Aruba ta hopi orguyoso di esaki.
Pa e aña aki tin 130 proyecto cu mas of menos 3000 boluntario pa ehecuta nan. El a splica cu pa prome biaha nan ta den barionan di FCCA, y nan tin un colaboracion hopi largo caba cu studiantenan di Universidad di Aruba.
El a expresa di ta contento di ta den bario Sero Patrishi, y el a referi na e Tema di Partnership, cu ta hopi importante, cu ta tumando lugar no solamente na Aruba pero tambe riba tur nos Islanan di Reino Hulandes.
El a señala cu Doet no ta e unico accion boluntario cu ta tuma lugar hunto den Reino, pero den e ultimo dos pa tres aña el a crece mas.
El a splica cu Universidad di Aruba ta participa cu nan trabao boluntario y co-boluntario como parti di nan sociedad, pero no ta algo cu ta un biaha, sino cu e ta den e curriculum caba di U.A y CEDE Aruba ta hopi contento cu esey.
El a agrega cu diescuater aña pasa, Aruba Doet a drenta tur skina di Aruba cu proyectonan, y nan ta kere hopi den e maneho di cada reto di cada bario, cada distrito di Aruba, cu tin otro cultura, otro historia, y asina nan por a haci mas y enfoca riba e desaroyo di e barionan.
CEDE ta papiando cu e centronan di bario, scolnan, cu nan kier colabora cu nan cu programanan despues di scol. Finalmente, el a expresa cu FCCA ta mas cerca di e hende den bario, den distrito, pero un bario tambe por haci hopi pa mehora e calidad bida di su habitantenan si ta envolvi den e desaroyo y e procesonan.
{gallery}Daniel Tecklenborg, director CEDE Aruba{/gallery}
