Gran apertura di ThunderBox 297

ORANJESTAD (AAN): “ThunderBox297” a celebra nan gran apertura diasabra, 30 di augustus 2025,

na Santa Cruz, na e localidad anterior di Warrior House Gym, ex Club Trappers.

Rossi Ismail, doño di ThunderBox 297 a splica cu cinco aña pasa el a cuminsa entrena algun atleta, mirando cu e tabata un beisbolista profesional den su pasado, y e kier a habri un gym pa asina sigui duna entrenamento na tur atleta pa asina nan no pasa loke el a pasa aden, cual ta no haya entrenamento adecuado prome cu el a cuminsa su carera profesional.

El a conta cu fin di april, el a wak cu e luga tabata na benta y a dicidi di cumpra esaki y cuminsa cu e centro di fitness, cu e meta pa brinda atletanan, specialmente esnan cu ta bay representa Aruba den exterior, e miho training posibel.

Ismail a probecha pa gradici su famia y amigonan pa nan apoyo y invita comunidad pa pasa un rato y cera conoci cu ThunderBox 297.