Gozando di Halloween na International School of Aruba

ORANJESTAD (AAN): Siman pasa, e studiantenan di QSI International School of Aruba a celebra nan Halloween

cu un evento yen di diberticion, y cu a wordo organiza pa e studiantenan di National Honor Society (NHS) di e scol.

   E tabata un atardi y anochi festivo, y por a nota hopi sonrisa y harimento.  E tabata un maraviyoso celebracion pa tur hende.

   Directiva di e scol ta manda gradici NHS, tambe Interact, studiantenan di examenklas, y tambe nan conseheronan, pa nan tempo, teamwork, y esfuerzo pa a haci e evento aki uno exitoso.  Danki tambe na e mayornan cu a sirbi como boluntario, pasobra tur nan trabao duro y espirito di scol a haci e celebracion aki algo special.  E potretnan ta pa cortesia di QSI International School.