Exitoso competencia di piscamento pa mucha na Varadero

ORANJESTAD (AAN): Un biaha mas e yachtclub di Varadero Aruba a organiza nan conocido ‘Salty Kids Pier Fishing Tournament’. 

E competencia di 2026 un biaha mas a bira un gran exito.

   Un chens unico pa muchanan sinta na Pier, por demostra nan habilidad di gara pisca y competi asina pa premionan.

   E evento aki di siman pasa, a wordo describi como un dia yena cu diberticion pa famia, unda muchanan tabata grita di alegria, pone sonrisa riba nan cara, cada biaha cu nan logra gara un pisca.  Esaki ta eleva e amor pa piscamento en general.

   E organizadornan y Varadero ta gradici tur famia cu a inscribi nan yiunan y participa den e evento aki cu a bira uno special.  Nan ta gradici tambe tur patrocinador cu a yuda sostene e comunidad di piscado, y yuda nan haci e evento aki posibel.

   Riba potretnan aki pa cortesia di Varadero, por mira mas di e dia exitoso di piscamento cerca e muchanan.