Gobierno tin deber pa brinda tur hoben e oportunidad pa tin acceso na enseñansa

Minitser Endy Croes

ORANJESTAD (AAN): Durante e bunita anochi di graduacion di SPO Santa Cruz, Minister Endy Croes a duna un speech hopi conmovedor na studiante y mayornan presente.

Na prome lugar, e mandatario a indica cu como Minister di Enseñansa y Deporte, tabata un honor y placer pa forma parti di un momento asina special.

"Awe ‘Scol Practico pa Ofishi’ esta (SPO) Santa Cruz ta celebrando e hecho cu 46 alumno a gradua sea den e ramo di Tecnica/ Cuido di Mata y Bestia of den e ramo di Admistracion / Comercio y Facilitair. Durante di e anochi festivo yena cu speransa y alegria mas aki rato cada alumno ta ricibi nan diploma. Nos tin e deber como Gobierno pa brinda tur hoben e oportunidad pa tin acceso na enseñansa. Mi kier pa boso sa cu tanto mi persona como Minister di Enseñasa y Deporte pero alabes den nomber di Promer Minister Evelyn Wever - Croes y Gobierno di Aruba nos ta hopi orguyoso di cada un di bosonan".

E mandatario a bisa cu sigur mayor y famianan ta hopi contento y orguyoso di e graduadonan. Y a enfatiza cu loke e graduadonan a logra ta un diploma basa riba nan esfuerso y meritonan propio. "E diploma aki ta di bo y niun hende nunca mas por kit'e for di bo. Algun di boso lo sigui studia y otronan ta dicidi pa bay traha. Exito na ambos decision. Enseñansa ta e motor y fundeshi di un pais. Enseñansa ta hopi importante pa desaroyo di un pais."

Na final el a gradici ekipo di SPO Sta Cruz pa stimula y pusha e alumnonan, y sigur pa un bunita trabou.