Beyesa Arubiano a resalta
ORANJESTAD (AAN): Bon noticia pa Aruba! DIARIO a haya sa cu durante fin di siman a tuma luga e certamen di beyesa internacional Pre-teen World 2022 na Republica Dominicana. Cas Princesa Aruba tabata representa pa Jaysi-ann Croes cu a haci un bunita papel representando su isla.
Durante e competencia, Jaysi-ann a logra e titulonan di Princesa Pre-teen Model World y Pre-Teen elegancia 2022. Su estelista y coach tabata Allan Kock.
Cas Princesa Aruba y Jaysi-ann ta gradici su famia y specialmente su ruman Jayleen Croes y Idris Boekhoudt pa su show di Talento. Endy Croes a diseña su gala dress, cosi pa Teresita Ortiz. Ronchi de Cuba a keda encarga cu su trahe special, cocktail dress y trahe cultural, cosi pa Verena Lian. Y Teresita Ortiz pa tur su otro shimisnan.
Cas Princesa Aruba ta invita tur mucha entre edadnan di 4 te cu 15 aña pa ta participa den nan certamen di 2022.
