ORANJESTAD (AAN): Diasabra na Centro di Bario Brazil tabata tin e evento yama Un canto na Bernadina Growell y
den un entrevista cu vice presidente di Fundacion Benadina Growell, Mariano Bermudez a splica cu esaki ta di 10 aña cu ta organisa e evento aki na memoria di Bernadina.
“Si nos mira bon 10 aña a bula hopi liher, kiermen cu e aña aki Brazil ta den celebracion grandi, esta 15 aña di inauguracion di Caya Bernadina, 15 aña di Parada Cultural, 10 aña Un canto dedica na memoria di nos mama di Cultura”.
Esaki ta un anochi hopi bunita cu 8 agrupacion musical y 22 cantante talentoso, segun Bermudez.
E anochi a wordo dedica tambe na e memoria di Boeis Orman kende semper tabata cerca di e fundacion y semper a lucha pa y a gosa di musica crioyo.
“E intencion tabata pa dune su reconocimento na bida, pero lamentablemente Papa Dios a dicidi otro”, segun Bermudez.
{gallery}Bunita evento, Un Canto na Bernadina Growell{/gallery}
