Gobernador a tene recien dos ceremonia di naturalizacion

ORANJESTAD (AAN): Recientemente a tuma luga dos ceremonia di naturalisacion na Renaissance Convention Center.

   Den presencia di Gobernador Alfonso Boekhoudt di Aruba, e personanan a escohe entre huramentacion of promesa por medio di naturalisacion of opcion. Cu e acto aki, nan ta declara, hura y priminti di respeta tur e libertadnan, derechonan y obligacionnan cu ta pertenece na e nacionalidad Hulandes.

   Participacion na e ceremonia di naturalisacion ta forma e ultimo paso obligatorio di e trayecto cu ta conduci na obtene e nacionalidad Hulandes. E procedura aplicabel pa esaki ta stipula den e Ley di Reino riba Nacionalidad Hulandes (Rijkswet op het Nederlanderschap).

   Pa mas informacion tocante e rekisitonan pa por obtene nacionalidad Hulandes, por bishita e website di gobernadoraruba.com pa tur detaye.  E potretnan aki pa cortesia di Kabinet Gouverneur van Aruba.