Gloria’s Market a bira un realidad

Ofreciendo producto di calidad superior

ORANJESTAD (AAN): MetaCorp no ta sinta man crusa y ta sigui inverti den e economia di Aruba. Despues di a inverti no menos di 40 miyon florin den pleno pandemia pa habri e compleho di entretenimento “Gloria”, awo a opta pa sigui mehora e producto.

            Algun siman pasa tabatin un “pre-opening” di e adkisicion di mas nobo den Gloria Aruba…esta “Gloria’s Market”. E ta situa net despues di Starbucks pero prome cu Olive Garden.

Gloria’s Market habri di 10:00 am pa 9:00 pm non-stop, ofreciendo un surtido amplio di productonan di calidad superior.

            Separa di The Movies cu e salanan di mas moderno den e region aki, cu P.F. Chang’s, Olive Garden, Starbucks, etc., a opta awo pa añadi un establecimento mas eyden pa por abastece e demanda di local y turista pa productonan specifico.

            For di e miho caviar di Aruba te na e salmou di calidad superior, keshi specialisa, miho surtido di biña, alcohol y tur loke bo mester pa bo cas, pa un fiesta of simplemente pa ricibi un bishita special na cas. E productonan eyden ta yega fresco semanalmente for di Spaña, Hulanda, Alemania, Francia y di Merca.

            Gloria’s Market, apenas den su prome dianan di apertura a bira conoci y masha gusta caba pa su basketnan cu productonan exotico, ideal pa regala un ser keri of un persona special. Ningun basket ta mescos pero ta contene productonan cu ta obtenibel den Gloria’s Market.

            Den e prome simannan caba di operacion, e comentarionan ta masha positivo y publico a keda encanta cu tin e opcion aki, algo cu te awo nos no a conoce ainda na Aruba. E bentaha ta cu e ta habri tur dia, di dialuna pa diadomingo, di 10:00 am non-stop te cu 10:00 pm, haciendo un alternativa cumbiniente pa haci compras…hasta despues di ora di trabou.