ORANJESTAD (AAN): Bon noticia pa esnan cu ta gusta haci compras na Super Do It Center na Shaba.
Esey ta cu Diaranson awor dia 20 di December 2023, nan ta preparando un anochi pa asina malcria clientenan, ya cuminsando for di 5:30 pm.
DIARIO a haya sa, cu e actividad yama ‘Shop cu Ambiente: Holiday Edition’. E atardi pa anochi aki, tur cliente lo por topa cu gran variedad di Tasting di diferente producto, biña, cuminda, cerbes, y mucho mas.
Di e forma ey bo por pasa purba pa asina bo prepara pa bo dianan di fiesta. Lo bay tin ademas animacion musical di DJ Sky, tambe varios specials e anochi aki, y a tende un rumor cu lo bay tin cantidad di sorpresa.
Corda bon, tur promocion riba specials ta valido tanten cu tin stock.
