Garantia pa creditonan pa companianan mediano y chikito na Aruba desde awor ta disponibel

Areglo via reino Hulandes

ORANJESTAD (AAN): Entrante e siman aki empresarionan di Companianan Mediano y Chikito (companianan MKB) na Aruba, Curaçao y St. Maarten por haci uzo di e garantia di credito MKB Aruba, Curaçao y Sint Maarten (BMKB ACS).

   E ta brinda empresarionan di companianan mediano y chikito (MKB) den e tres paisnan Caribense miho acceso na capital, ofreciendo garantia adicional na institucionnan financiero ora di suministra fianza.

   E areglo ta basa riba e areglo di BMKB Hulandes cu ministerio di Asuntonan Interno y Relacionnan den Reino a haci posibel. E areglo ta contribui na fortificacion di e clima empresarial den e parti Caribense di Reino.

   Pa haya tur informacion tocante e areglo aki, por check e website:

www.bit.ly/bmkbregla

   E por brinda particularmente solucion pa empresarionan cu no ta dispone di suficiente propiedad, (‘onderpand’) pa por haya fianza. E areglo ta reduci e barera pa empresarionan inverti y ta contribui asina na desaroyo economico na Aruba, Curaçao y Sint Maarten. E areglo ta na disposicion te 1 di juli 2027 pa companianan MKB te 250 (fte) trahado.

   Rijksdienst voor Ondernemend Nederland (RVO) ta ehecuta BMKB ACS.