Na Biblioteca Nacional
ORANJESTAD (AAN): Ateliers '89 ta organisando un anochi di Poesia bao guia di su maestro Arturo Desimone. Un anochi literario yen di sumpiña cayente, y lo ta cuminsando for di 7:00 pm. na Biblioteca Nacional na Playa.
Pa un luna largo, e grupo di poeta ta practicando den nan sala di teatro, yama black box na Ateliers '89. Unda a skirbi sinna y entrena pa presenta e obranan skirbi concebi durante e workshop aki. Tur esaki den cooperacion y na Biblioteca Nacional den e sala di entrada. Unda ta toca ocasion pa gradici inmensamente su directora y empleadonan cu ta yudando nan organisa e anochi aki, y tratando di haci e anochi aki mas ameno cu ta possible.
Cu dushi biña y snacks di ‘Lieverd Lees Café’, cu e gran voznan y actuacion di Willem Bandt, Arielle Croes, Angelo Angela, Sebastian Torres, Marjorie Vermeer, Enrique Aaron, y Jayburtt Dijkhoff.
Arturo Desimone: ‘Sisti, Sinti, y Skirbi Cu Sumpiña’: Un Café Literario y muestra di e participantenan di e tayer di “World Poetry” na Ateliers 89.
Durante henter luna di September, e participantenan a topa pa skirbi, lesa y ser exponi na un rikesa di literatura internacional. Nos a combersa tocante e topico di kico (ta) nifica skirbi poesia den un ex colonia. Pues finalmente dia 24 di September nan lo presenta el resultado nan na Biblioteca Nacional na Playa y despues lo invita publico pa Open Mic y un brindis.”
Considera e invitacion aki como uno personal y bin engrandece nos arte literario y cultura arte. Den un bunita anochi di nos dushi idioma papiamento. Cu respaldo di Biblioteca Nacional Aruba y Cultuurfonds Caribe, Arion Wine Company, Gobierno di Aruba.
