Garage Centraal ta celebra un aña 2024 exitoso

ORANJESTAD (AAN):  Recientemente e team di Centraal a tene un encuentro di empleado yena di energia y orguyo,

unda nan a celebra e logronan impresionante di 2024 y a reconoce e esfuerzonan extraordinario di su empleadonan. E reunion aki no tabata solamente un analisis di cifra, pero tambe un reflexion di e compromiso y trabou duro cu a haci Garage Centraal e dealer di auto number 1 na Aruba, y Hyundai e marca di auto mas popular riba e isla.

            Sr. Carlos Orman, Director Tecnico Operacional, a cuminsa cu un bista riba e modelo nan di auto nobo cu Garage Centraal ta ofrece, cu un enfoke especial riba GAC Motor. E marca aki, conoci pa su calidad solido, a designa Garage Centraal como su dealer oficial na final di 2024. Esaki ta un testimonio di e confiansa cu e marca tin den Garage Centraal no solamente pa bende nan autonan, pero tambe pa ofrece e mantenemento y apoyo di mas halto nivel pa e clientenan di Aruba.

            Pero esaki no ta tur! Garage Centraal tambe a asumi e liderato den e carga pa futuro cu su ofertanan di autonan electrico (EV). Cu un area dedica special pa e autonan moderno aki, Garage Centraal ta pone e siguiente generacion di mobilidad na bista di su clientela, cu opcionnan emocionante manera e IONIQ 5 di Hyundai, C11 di Leapmotor, y awor e elegante sedan Aion ES di GAC Motor.

            Sr. Marlon Blom, Director Financiero, a sigui cu un presentacion di cifranan cu ta haci cualkier compania sinti orguyo: mas cu 1,061 auto nobo bendi durante 2024, cual ta un record absoluto pa Garage Centraal! Esaki no solamente ta confirma nos posicion como e dealer di auto mas grandi di Aruba, pero tambe ta reforsa e liderazgo di Hyundai den e mercado local. E ekipo di Sales a demonstra pakico nan ta e miho di Aruba, cu “reviews” positivo y un nivel di servicio cu ta haci clientenan regresa pa mas.

            Sin lubida Centraal Lease! E compania aki, encarga di financiamento pa autonan y companianan, tambe a logra un record di contrato nobo, cu un crecemento impresionante di 34% compara cu e aña anterior.

            Den e area di Service, Parts y Bodyshop, e logronan tabata igualmente destaca. E tecniconan a subi nan nivel di experticio, cu algun incluso graduando como “Expert Technicians” danki na cursonan avanza ofreci dor di e marcanan di auto. E Bodyshop a mehora significativamente, cu oferta nan saliendo den menos cu 48 ora pa e cliente. Y riba e area di Social Media, tambe por a mira un crecemento enorme den interaccion cu nos clientenan online, un prueba di nos compromiso cu e comunidad digital.

            Pa 2025, Garage Centraal ta preparando pa un transicion emocionante pa un plataforma di maneho mas moderno y eficiente, mientras ta sigui enfoca riba e filosofia di mehoracion constante y servicio di calidad halto.

            E reunion aki no tabata completo sin e reconocemento di e empleadonan cu a destaca durante 2024. E premionan aki ta un reflexion di e talento y dedicacion cu ta haci Garage Centraal e mihor: 

• Rookie of the Year: Joshua Piña
• Most Improved: Renato Geerman
• Centraal Award: Jazlin Boekhoudt y Jasmin Tromp
• Mehor Mecanico: Michell Stamper (3er lugar), Elton Webb (2do lugar), y Fredy Yucra (ganador)
• Employee of the Year: Richard Luydens, como un ehempel di compromiso, responsabilidad y experticio den e departamento di Administracion. 

            E encuentro aki a termina cu un sentimento di orguyo y unidad, y un compromiso pa sigui comunica y colabora cu e empleadonan pa mantene e exito cu Garage Centraal y Centraal Lease a logra. E empleadonan di Centraal ta e motor cu ta haci e compania move, y nan tin tur razon pa sinti orguyo di ta parti di e ekipo number 1 di Aruba.