Ganador y finalistanan pa Miss Teen Cultura di certamen Miss Teen Aruba International

ORANJESTAD (AAN): Diasabra anochi den The Cage Nightclub, e organizadornan di GLW Foundation a tene nan asina yama ‘Awards Night’ pa e certamen di Miss Teen Aruba International 2021. 

Ocho candidata ta competi pa e titulo maximo, y entre nan tin premio tambe cu a wordo entrega un siman prome cu e evento final.

   E biaha aki, cada candidata a haya nan ta haci un proyecto cu tin di haber cu cultura, y na final a traha un mini-video di loke nan tin di bisa encuanto cultura.

   Pa esaki tambe tabatin premio pa e ganadora, y tambe esun cu a sali prome finalista, y segundo finalista.

   E ganadora pa e premio di Miss Teen Cultura, a bira conoci ora cu e presentador George Winterdaal a anuncia cu el a bay pa Elizabeth Johnson representando Mirrors by Edgar Kock.

   Prome finalista Miss Teen Cultura a bira Karoline Oliveros representando The Stars by Georgie.

   Segunda finalista Miss Teen Cultura a bira Ashantee Martus representando Tren’D by Endy.

   For di man di Ileyna de Cuba, Miss Teen Aruba International 2019 ganador y finalistanan a ricibi nan premio y medaya pa Miss Teen Cultura.

   E certamen final mes lo ta Diadomingo awor, 18 di Juli 2021 na Cas di Cultura.