Amigonan a tene un Drive-By pa felicita Cyrill Adamus

ORANJESTAD (AAN): Riba Diabierna, un grupo di persona afilia na e mundo di Drag Racing na Aruba, a organiza un celebracion di Happy Birthday, estilo di drive-by na cas di e conocido Cyrill Adamus.

   Di e forma ey kier a dune honor y gratitud pa e añanan largo cu el a dedica na e deporte di motor y Drag Race en general.

   E tabata su cumpleaño, y sigur tabata un momento special pa a sinti presencia di asina hopi fanatico cu a pasa felicite y tambe gradicie.

   Manera ta conoci, Cyrill Adamus tin un reto cu su salud, y mientras tanto a perde su bista. Pa e motibo ey no ta mire hopi activo mas den e mundo di Drag Racing.  Sinembargo e stima su motorcyclenan keto bay.