Fundacion Respeta Mi a introduci nan logo y lema nobo

ORANJESTAD (AAN):  Jeanmiree van der Werf, Trahador Preventivo na Fundacion Respeta Mi a inicia e conferencia di prensa cu

a wordo convoca pa asina elabora riba e actividadnan cu nan lo tin den luna di April cu ta e luna di prevencion di abuso di mucha.

Fundacion Respeta Mi ta traha riba prevencion y e formanan di abuso di mucha (fisico, sexual, verbal, emocional, negligencia of testigo di violencia relacional), a bisa.

Riba e ultimo aki, e aña aki ta bay para keto na dje. E aña aki tin un luna yen di actividad.

Ademas di e actividadnan, e fundacion a duna di conoce cu nan a haci 'refresh' di nan logo. Durante e proyecto 'Pitch Time', un grupo di hobennan a conseha pa cuminsa pensa riba e cambio di logo, a bisa.

Door cu ta traha cu muchanan a pensa cu a bira tempo pa e logo por a bira mas 'child friendly' y cu por a capta mas e grupo meta cu ta mucha entre 0 y 18 aña, van der Werf a indica.

E logo nobo no tin dos mucha mas, pero awor tin tres mucha. E tres muchanan aki nan edad ta varia. Esey ta pa representa e muchanan di cada edad cu e fundacion ta traha cu ne.

Durante 'Pitch Time' e hobennan a traha riba e tema 'Educa pa Proteha', cual no tabata parti di e logo anterior, a señala.

E directiva di e fundacion ta gradici e hobennan cu a yuda nan e tempo ey cu e logo y cu e lema cu sigur lo haci mas cla kico e fundacion ta haci, Jeanmiree van der Werf a declara.