Fundacion pa Seguridad na Hotelnan cu exitoso training pa Supervisornan

ORANJESTAD (AAN): E asina yama Aruba Hospitality & Security Foundation (AH&SF) den colaboracion cu Chameleon Associates,

a organiza un workshop intensivo pa supervisornan di Security, cu ta diseña pa eleva concientizacion riba seguridad, liderato, y capacidadnan di prevencion den henter e sector hotelero y turistico di Aruba.

   Durante dos dia, 41 participante representando Hotelnan, companianan priva di seguridad, y esnan cu tin Vacation Rentals, a participa den un serie di curso avanza duna pa Chameleon Associates, cu ta un lider global den les den seguridad basa riba inteligencia, evaluacion di menazanan, y centraliza riba e adversario.

   E programa ta basa riba e Modelo di Security Israeli, un metodologia proba cu a siña e personal pa anticipa y neutraliza e menazanan “pensando door di wowonan di e adversario”.  E trainingnan tabata inmersivo y basa riba escenario, cu ta garantiza su aplicacion practico tanto pa esnan trahando riba veld, como tambe e personal di supervision.

   Algun di e aspectonan cu mas a destaca di e training tabata: (*) Preguntanan di Seguridad, pa asina bo suministra e personal cu tecnicanan proactivo pa capta mesora storianan falso y asina bo ta stop cualkier intencion hostil di e persona.  (*) Pronostica e perfil y naturaleza di menaza:  Aki bo ta siña e participantenan pa transforma e intuicion den inteligencia uzabel door di detecta indicadornan sospechoso y comportamento di mal intencion.  (*) Workshop di adversario: Aki a uza ehercicio prasctico unda e participantenan a simula e planeamento di un atake real pa compronde miho e vulnerabilidadnan y reforza e medidanan cu bo ta tuma.  (*) Desaroyo di liderato: Aki ta mehora e habilidadnan di supervision den tuma decisionnan etico, e supervision operativo, y maneho efectivo di bo team.  (*) Body Language y verifica identificacion: Nan a siña con pa mehora detecta gañamento, y evita acceso no-autoriza via di analisis di comportamento y credencial.

   Segun director regional di Chameleon, e training aki na Aruba ta representa un paso vital padilanti pa fortalece e infrastructura di seguridad na e isla.  Door di inverti den habilidadnan di supervisor y e personal trahando den veld, bo no ta djis mehora seguridad rond di e isla, sino cu bo ta reforza e confianza y atencion cu ta fundamental pa e experiencia hospitalario di Aruba.

   Den colaboracion cu Aruba Hospitality & Security Foundation, Chameleon Associates a reforza nan compromiso pa mehora e sector hotelero di Aruba via di programanan di training specifico basa riba situacionnan di adversarionan.  E iniciativanan aki a wordo desaroya cumpliendo cu e mision di AH&SF, y ta pone un punto di referencia pa vigilancia, profesionalismo, y servicionan di security compasivo den henter e panorama turistico di e isla.