Fundacion cu ofrenda floral na Plaza Juan Pablo Duarte

ORANJESTAD (AAN): Recientemente riba e gran celebracion di Dia di Independencia di Republica Dominicana,

e organizacion local di Fundacion Dominicana Arubanse Juan Pablo Duarte hunto cu Instituto Duartiano Filial Aruba, a presenta pa un momento special na e cruzada di Van Leeuwenhoekstraat y Caya Ing. Roland Lacle, na e bunita Plaza Juan Pablo Duarte.

   Esaki pa asina nan mustra e balor di e fecha, y pone un ofrenda floral pa conmemora e dia importante aki pa tur Dominicano.

   Durante e actividad di honor aki, a mira cu tabatin algun invitado special, manera e Hunta di Bombero di San Nicolas, miembronan di e Fundacion, y algun partido politico.

   Despues di e ofrenda floral, nan a acudi na e oficina di Fundacion pa asina asisti na un brindis.