Fundacion Centro Famia Piedra Plat ta cla pa cuminsa su programa pa e aña escolar nobo

ORANJESTAD (AAN): E 3 simanan di Camp tabata exitoso den participacion y programacion,

E prome Camp tabata pa muchanan di 4 pa 7 aña, di dos pa muchanan di 8 pa 11 y di tres tabata un youth Camp di 12 pa 16 aña. Un averahe di 70 mucha total y 15 lider den cada Camp. 

FCFPP ta gradici tur cu a haci e Camp aki posibel, specialmente pa e ondersteuning ricibi di CEDE Aruba y cu e Europese Vrijwilligers (4) cu a yuda hopi bon. Tambe na ATHA y sigur na tur e boluntarionan pa e tremendo trabou. 

Awor FCFPP ta cla pa cuminsa su programa pa e aña escolar nobo 2026/2027. Inscripcion ta habri pa huiswerkbegeleiding pa muchanan di scol basico y pa muchanan di voortgezet onderwijs. Club Oansa, lesnan di musica, canto, baile, pintura lo start bek asina cu scol habri. Tambe Fundacion ta sigui cu su uitbreiding pa pasa dia 60 plus.