ORANJESTAD (AAN): Elvis Lopez di Ateliers’89 a confirma na DIARIO, cu Diadomingo awo dia 23 di Augustus 2026 pa 7:00 pm,
lo tin e apertura di nan exposicion grandi pa verano, y e titulo di esaki ta ‘For Sale’.
Segun Lopez, e expo ‘For Sale’ a wordo treci hunto specialmente pa duna tur e artistanan di Ateliers y esnan invita e oportunidad pa nan por exhibi y mas importante ofrece nan trabaonan di arte na benta, pesey e titulo ta asina.
E oportunidad precioso aki lo engrandece nos arte y cultura organiza pa Ateliers'89, patrocina pa Fondo Cultural Region Caribense y CEDE Aruba. CEDE su programa “Let’s Act” a sa di crea e espacio pa sostene nos artistanan maestronan local kende ta engrandece nos arte pa medio di nan aporte educativo den e diferente disciplinanan di arte. Nos kier haci uzo di e oportunidad pa gradici CEDE Aruba pa por a sa di sostene y haci tur esaki posibel.
Diadomingo 23 di Augustus den e salanan mayor lo e expo ‘For Sale’ cu obranan di arte contemporaneo cu gran participacion di artistanan invita manera Glenda Heyliger cu su dibuhonan y obranan tres dimensional y instalacion. Tambe maestro King Lie-Kwie cu su pinturanan unico. Tambe artista y maestra di e tecnica di mosaic picassiette, e conocido Enrita Werleman y Juffrouw Miriam De L'Isle cu su mundo magico di pintura.
Apart di tur esaki lo tin exposicion ‘Hardin Botanico’ di e artista/maestra Romelinda Maldonado cu e artistanan hoben di su programa di arte pa mucha ‘The Beehive’, Fae Werleman, Sophia Luidens, Zoë Jennylee Kelly, Alexa Sepulveda, Darsheleen Wever, Frangely Kock, Celine Tromp, Kyomi Stamper, Hila Toppenberg y Kaylee Wever.
Grupo Monarca di adulto mayor cu sosten di CEDE Aruba su programa Let's Act: Beatrix Ridderstap, Silvia Flemming, Rosita Rasmijn, Reina Ruiz, Ina Thiel, Swinda Koolman, Everona Ras, Irene Ras, Evia Roga, Imelda Kelly, Richard Geerman, Epifania v/d Linde, Jorga Kransen, Gladys de Kort, Urbano Figaroa, Maria Lelia Hernandez, Thelma Paskel, Kenrick Boezem, Elita de Cuba, Nichi Arends, Francisca Winterdal, Vilma Engelhardt y Lucia Winterdal.
Grupo Mainta Creativo 60+ cu Agnes Wilson, Jenny Diaz, Raquel Leon, Gabriëlle Vis, Emiliana Tromp, Sica Simileer, Jenny Ras, Maria Tromp, Enrica Kock-Kelly, Gemma Simileer, Anna Rosa Tromp, y Dynia Abath-Muller.
Tambe ta presenta e pinturanan unico di e artistanan di e workshop titula Club di Artista, bao guia di nos artista, maestro, curador y director di Ateliers'89, señor Elvis Lopez cu su artistanan Dinant Esschendal, Suzanne van Spall, Noemi Ruiz y Nuris Lampe.
Ta bay tin hopi obra y hopi expresion sin igual pa mira y goza, pues no perde e oportunidad aki. Bin engrandece anochi aki cu bo presencia, e artistanan, e publico amante di arte cu un ambiente unico cu DJ Tech ta animando.
