Fundacion Autismo Aruba a participa di reunionnan importante na New York

ORANJESTAD (AAN):  Fundacion Autismo Aruba (FAA) a wordo invita pa asisti e Advocacy Leadership Network Biennial Meeting 2023 na New York, USA y nan presidente Carolina Thiel-Span y vice presidente Roelien Hofman a asisti na e reunionnan aki.

    Durante e reunionnan aki diferente punto a bin dilanti manera e importancia di relacion entre advocates, researchers y providers, e importancia di relacionnan entre gobiernonan y organisacionnan trahando ariba e areanan di desaroyo relata na autismo, sistemanan di educacion, evaluacionnan y diagnostico, y inovacion den e area digital di salud y autismo.

  Na banda di esaki tur participante por a comparti conocemento ariba diferente iniciativa den diferente pais, y FAA a informa di e actividadnan nos ta bezig cu ne y proyectonan cu kier cuminsa desaroya y tur cos cu mester considera na momento cu ta cuminsa desaroya un plan.  FAA ta contento di por a asisti na esaki y ta “look forward” pa sigui desaroya material y proyectonan cu e apoyo di partners rond di mundo cu ta trahando ariba un cantidad di proyectonan interesante y ta cla pa apoya FAA y Aruba den esaki.