E aña aki ta espera 13 tormenta cu nomber
ORANJESTAD (AAN): E aña aki, e prome ciclon tropical cu nomber di e temporada di horcan di oceano Atlantico lo yama Arlene, segun el lista di e Organizacion Meteorologico Mundial. Lo sigui Bret, Cindy y Don. E temporada di horcannan di Atlantico lo extende oficialmente, manera ta habitual, di dia 1 di juni te 30 di november. E zonanan cu ta cubri ta inclui Oceano Atlantico, golfo di Mexico y Lama Caribe.
E ekipo di e Proyecto di Meteorologia Tropical di Universidad Estatal di Colorado ta premira un temporada di horcan den Atlantico "ligeramente abao di normal". Segun e pronostico, e aña aki ta espera 13 tormenta cu nomber.
Nomber di e tormentanan den Atlantico di 2023: Esaki ta nombernan ya defini pa e tormentanan tropical di e aña aki ta: Arlene, Bret, Cindy, Don, Emily, Franklin, Gert, Harold, Idalia, Jose, Katia, Lee, Margot, Nigel, Ophelia, Philippe, Rina, Sean, Tammy, Vince, y Whitney.
Organizacion Meteorologico Mundial, dependiente di Nacionnan Uni, ta establece e lista di nombernan di tormenta. Pa Atlántico tin seis lista, cu ta ripiti cada seis aña. E rekisito ta cu e nomber mester ta cortico y facil di corda. Den e listanan aki ta no ta figura e nombernan cu ta cuminsa cu Ñ, Q, U, X, Y of Z, y solamente por wordo cambia ora cu e tormentanan ta particularmente mortal of costoso.
Pronostico pa 2023: Apesar di e pronostico di 13 tormenta cu nomber, seis horcan y dos horcan grandi pa 2023, e cifranan aki ta ligeramente bao di e promedio tipico di e temporada den Oceano Atlantico di 14 tormenta cu nomber, siete horcan y tres horcan grandi, di acuerdo cu e investigadornan di CSU.
E ekipo di CSU tambe a indica e probabilidad di toca tera cu tin e dos horcannan grandi pronostica pa 2023 den Atlántico: Tin 44% di probabilidad pa henter e costa di Merca. Como 22% pa e costa oost di Merca, inclui e peninsula di Florida. Como 28% pa e costa di e Golfo desde e peninsula di Florida te na e parti west te na Brownsville. Como 49% pa Caribe.
Ta importante señala cu esaki ta e prome pronostico aki di CSU pa e temporada di tormentanan di e aña aki. E previsionnan lo por cambia den s siguiente actualizacionnan, cu lo wordo emiti dia 1 di juni, 6 di juli y 3 di augustus.
