Fenomenal tabata e show ‘Fiesta den Cunucu’ duna na Aruba

ORANJESTAD (AAN): Durante e dianan di vakantie di scol, tabata un fantastico ocasion cu na diferente lugar por a mira e show infantil yama ‘Fiesta den Cunucu’.

   E show aki di Mayra Hooi, a bin for di Corsou y na Aruba a duna en total seis presentacion.  E show tabata combina cu musica, trahenan alegre, yamativo, y tur esaki a cay na bon agrado cerca publico di curason grandi y curason chikito.

   Nan prome show tabata Diasabra 10 di October den Scol di Arte na San Nicolas y aki tabatin dos presentacion.  Diadomingo dia 11 di October tambe a duna dos show den aula di EPB Oranjestad na Hato.  Diamars 13 di October a duna un solo show na Centro di Bario Savaneta.

   DIARIO tabata presente Diaranson na Centro di Famia Piedra Plat, unda nan a duna nan ultimo show.  Pabien na e organizadornan cu un fenomenal show cu a duna bon entretenimento.