FCCA ta kere den un bon synergia cu Gabinete AVP-Futuro pa soluciona reto di vivienda

ORANJSTAD (AAN): Diaranson Prome Minister Mike Eman a tene un reunion cu Minister di Infrastructura Baba Herdé,

representante di FCCA, DIP y DLV pa trata na soluciona e retonan cu a surgi den transcurso di tempo relaciona cu casnan social di FCCA cu no a traspasa ainda pa nan respectivo doñonan.

   Segun Sra. Julie Wever, Directeur Technisch Commercieel FCCA, tin 99 cas social cu FCCA a bende na nan clientenan basa riba un huurkoop, pero debi na falta di midimento formal, no por a haci e traspasonan aki na nan doñonan. Durante e reunion, a yega na acuerdo cu tur instancia presente y a haci e compromiso cu pa december 2025, lo cumpli cu traspaso di tur e casnan aki na nan doño.

  Ta importante pa tin bon synergia entre e partnernan strategico y cu Gobierno di Aruba, pa hunto traha na soluciona e problemanan di vivienda pa tipo di situacionnan asina, y  traha mas efectivo.