FAVI ta inicia su accion di donacion 2022

Ta Bo bista Cuid'e

        ORANJESTAD (AAN): Cu e accion di donacion FAVI ta acerca tur su donadornan y e comunidad en general pa contribui/ pa haci un donacion na nan organisacion. Bo contribucion na FAVI ta yuda nos pa sigui brinda tur nos servicionan na cada persona cu bati na nos porta pa ayudo.    Bo contribucion ta yuda pa cubri cierto gastonan manera di transportacion pa e clientenan, pa e actividadnan di cliente individual of den grupo, pa cumpra medionan auxiliar avansa pa e          cliente por haci uso di dje pa e diferente lesnan, tambe pa cubri parti di otro gastonan operacional y inversion.

           FAVI ta duna guia y servicio na tur persona cu tin un of otro limitacion di bista. Ta sumamente dificil pa biba cu un limitacion di bista. Pesey FAVI tey pa duna e sosten necesario na  e persona cu ta biba cu e limitacion, pero tambe na su famia, conocirnan, scol, maestronan  y tur persona cu ta biba of guia un persona cu limitacion di bista. 

            E meta principal ta pa personanan cu problema di bista por desaroya nan mes dentro di nan posibilidad, pa nan por biba un bida mas independiente cu ta posibel.

            E servicionan cu FAVI ta ofrece ta multiple y pa tur persona diferente. Nan ta haci entre otro, chequeo di bista, guia den e uso di medionan auxiliar, ta duna les di computer, typeles, brailleles, les di cushina, Guia y sosten  emocional, tambe tin grupo di conversacion.

            Banda di tur esaki tambe FAVI ta pone atencion na actividad social, manera FAVI-do (grupo di obra di man), les di gym etc.

            FAVI su servicio na cliente ta gratis y esaki ta danki na e donacionnan cu FAVI ta ricibi tur aña di comunidad di Aruba en general, comerciantenan y diferente club di servicio. FAVI ta spera naturalmente di por sigui ricibi donacion pa esaki por continua.

            Den e periodo di augustus pa december colectantenan lo pasa colecta cerca tur nan donadornan ”vast” cu ta ariba nan lista. Den e periodo aki, pero tambe durante di henter aña comunidad di Aruba por haci su donacion libremente ariba un di nan cuentanan di banco di RBC Royal Bank of  Aruba Bank.

            Pa mas informacion con pa bo bira un donador ”vast” of pa cualkier otro informacion tocante di bista bo por yama oficina di FAVI.

         Si bo tin problema di bista of bo conoce un hende cu tin problema di bista, acerca nan y bo lo ricibi tur informacion.