FADA ta cla pa e Siman di Cinta Cora cu ta start otro siman

Siman Locura ta ultimo siman di October

ORANJESTAD (AAN): E ta un luna importante pa Fundacion Anti Droga Aruba (F.A.D.A.).  E fundacion aki a wordo crea dia 16 di October 1984, pues 42 aña pasa.  E tin como meta pa preveni uzo di droga y alcohol door di desaroya e habilidadnan necesario den e persona pa e por tuma decisionnan sano na bienestar di su mes salud y bienestar personal.

   F.A.D.A. ta brinda informacion di Salud Mental na comunidad pa por tin tools pa asina mantene esaki den un balansa of si por tin señal pa busca ayuda necesario inmediato. Banda di duna informacion den forma di charla y workshops F.A.D.A. tin diferente campaña durante aña.

   E campaña di Siman di Cinta Cora ta ser efectua cada aña den luna di oktober. Pa ser exacto dia 23 di October pa 31 di October 2026. E aña aki e lema ta: “Be a hero live drug free”.

   DIARIO a compronde cu F.A.D.A. ta organizando pa di 14 aña caba nos famoso “Siman Locura” pa comunidad cu lo tuma lugar fecha 26 te cu 30 di October 2026.

   Siman di Locura tin como meta na un manera simpel y original demostra cu Bo tambe ta contra di e uzo y abuso di droga, alcohol y di traficacion di droga.

   Con pa participa:  Forma bo grupo of individual. Bisti manera e schedule, saca potret y subi nan website di www.fada.aw y aki bo ta click riba e poster di e lema; “Be a hero live drug free” y bo ta yena tur informacion y upload e image.

   Nan kier pone enfasis pa ta mas creativo cu ta posibel. “Think out of the box”. Pa mas informacion por tuma contacto cu F.A.D.A. na number di telefon 583-2999 of nan WhatsApp 564-9991.