Exposicion di arte ‘Emotions’ di Laureen Eman

ORANJESTAD (AAN): Durante e luna di October y November 2021, Laureen Eman, Pintor, Artista Plastico lo exhibi su di 8 solo exposicion di arte na UNOCA,

Stadionweg 21.  E exposicion ta consisti di 90 obra, di estilo y tamaño varia pa complace cu tur amante di arte. Pa e exposicion aki, ademas di acrilico, Laureen a traha tambe cu alcohol ink y resina.

   E inspiracion pa e exposicion aki ta tur e emocionnan cu e artista tabata biba durante e prome lunanan di e pandemia.  Por mira esaki tambe den e obranan, den e uzo di color y expresion y p’esey tambe ta hiba e nomber di ‘Emotions’.  Awe Diaranzon tin e apertura general di e expo, cu lo sigui te cu dia 20 di November, 2021. 

   E horario lo ta di 9:00 am te cu 7:00 pm, y Laureen lo ta presente tur dia pa topa cu bishitantenan.