ORANJESTAD (AAN): Prome Minister Evelyn Wever-Croes, hunto cu Minister Xiomara Maduro y Minister Endy Croes,
tabata tin un reunion cu Fundacion Anti Droga Aruba, esta director Juendel Sprok, Rubella Toppenberg y Ruliënne Arends.
Durente e reunion, e ministernan a haya e cinta cora di FADA. FADA ta e organisacion cu ta traha riba conscientisacion di e efectonan di abuso di droga. Actualmente tin e ‘Siman di Locura di FADA’ y dialuna tabata dia di bisti cora.
“Dia di cinta cora y den cuadro aki nos a habri e siman aki tambe dunando atencion na e organisacion importante aki”, Prome Minister a expresa.
Den comunidad tin un desaroyo alarmante di muchanan y hobennan mas jong ta haña nan den problema di abuso di droga y atraves di FADA, tin un bon canal pa yega na nos hobennan pa conscientisa nan cu abuso di droga no ta algo cu ta yuda nan.
FADA ta haci un trabou hopi importante y e ta un stakeholder importante pa Gobierno di Aruba den combatimento di adiccion di droga.
