Exportacion di Freezone a subi cu 15.5 miyon Florin den prome cuartal

Relato di Oficina Central di Estadistica 

ORANJESTAD (AAN): E siman aki, Oficina Central di Estadistica a presenta e resultadonan principal di e cifranan di importacion y exportacion, cu ta regarda e prome cuartal 2022.

   Exportacion total: Ora di check henter e aspecto di Exportacion total, den peso, a registra un subida di 47.9% den e prome cuartal di 2022 (7.2 miyon kg) compara cu e mesun periodo di 2021 (4.9 miyon kg), mientras, den balor, el a subi cu 79.3% di Afl. 21.6 miyon pa Afl. 38.7 miyon

   Exportacion for di area liber (peso): E sector di Exportacion for di e area liber di Aruba, den peso, a registra un subida di 34.1% den e prome cuartal di 2022 (5.2 miyon kg) compara cu e mesun periodo den 2021 (3.9 miyon kg). Nuebe di e 21 seccionnan, a registra subida den exportacion den peso pa e area liber di Aruba.

   E subidanan mas grandi ta den e seccionnan “Obranan di piedra, gips, cement of asbest” (0.8 miyon kg), “Metalnan comun y trabaonan deriva” (0.7 miyon kg), “Ekiponan di transporte” (0.1 miyon kg) y “Productonan alimenticio” (0.1 miyon kg).

   E caidanan mas grandi ta den e seccionnan “Makinaria y ekiponan electronico (nobo y renoba)” (-0.1 miyon kg), “Elementonan di plastico artificial” (-0.1 miyon kg) y “Objetonan di arte, piezanan di coleccion y antiguedadnan” (-0.1 miyon kg).

   Exportacion for di area liber (balor): Exportacion for di e area liber di Aruba, den balor, a registra un subida di 14.3% den e prome cuartal di 2022 (Afl. 13.5 miyon) compara cu e mesun periodo den 2021 (Afl. 11.8 miyon kg). Diesdos di e bintiun seccionnan, a registra subida den exportacion den balor pa e area liber di Aruba.

   E subidanan mas grandi ta den e seccionnan “Ekiponan di transporte” (Afl. 1.6 miyon), “Instrumentonan, aparatonan y ekiponan optico” (Afl. 1.0 miyon)” y “Metalnan comun y trabaonan deriva” (Afl. 0.7 miyon).

   E caidanan mas grandi ta den e seccionnan “Diferente tipo di articulonan fabrica” (Afl. -0.9 miyon), “Perlanan real y otro tipo di piedranan precioso” (Afl. -0.7 miyon) y “Productonan kimico” (Afl. -0.4 miyon).

   Exportacion for di e area di Free Zone: E sector di Exportacion for di e area di Free Zone di Aruba, den peso, a registra un subida di 102.2% den e prome cuartal di 2022 (2.0 miyon kg) compara cu e mesun periodo den 2021 (1.0 miyon kg), den balor, el a subi cu 158.1% di Afl. 9.7 miyon pa Afl. 25.2 miyon.

   Pues e balor di exportacion for di Free Zone Aruba a subi cu 15,5 miyon Florin.