Nos Aruba di Antes
Den añanan 80 e parada di bus y taxi tabata na e banda zuid di Warda di Polis di Oranjestad net na e entrada di Boulevard Shopping Mall.
E caya cu ta core dilanti Warda di Polis tabata Arnold M. Schuttestraat. Ariba e potret por aprecia e busnan di marca Volvo di Arubus. Por aprecia tambe e edificio di Toeristenbureau.
Awe na 2022 e parada di bus no ta existi. Na su lugar a construi Sonesta Hotel ( awe Renaissance Hotel), Warda di Polis Oranjestad tambe no ta existi mas.
Loke si ainda ta existi ta edificio di ex Toeristenbureau cu ta den uso como departamento di gobierno. E caya Arnold M. Schuttestraat ainda tin e mes un nomber y ta e caya cu ta pasa pariba di Renaissance hotel y ta conecta Zoutmanstraat y L.G. Smith Boulevard.
Compila pa Roberto Croes
Nos Historia Nos Herencia
