Exitoso silent auction di Methodist Church di Aruba unda a hasta subasta jersey di Xander Bogaerts

ORANJESTAD (AAN): Recientemente a tuma lugar un Subasta pa recauda fondo pa Methodist Church Aruba y Meals on Wheels.

   Methodist Church Aruba su prome Subasta lo ta un ‘silent auction’, y esaki a tuma lugar anochi trempan Graf von Zinzendorf School na Bernhardstraat 259 na San Nicolas.

   E meta di e subasta ta pa recauda fondo pa proyectonan social y proyectonan comunitario cristian particularmente Meals on Wheels.

   E subasta ta un subasta silencioso (caminda ta mustra interes pa un mercancia riba papel) y tambe nan tabtain diferente snack boxes y cuminda tipico di diferente parti di Caribe na benta. Tabatin paña, regalo y decoracion di Pasco, arte y “gift certificates” di diferente comerciante y restaurant local.

   Den e subasta ta bay tin mercancia pa tur cartera, pa grandi y chikito. E mercancia mayor di e subasta ta un jersey di Xander Bogaerts (#2) firma pa tur hungador di Boston Red Sox (cu a usa den torneo di MLB 2021) den un frame. Otro ehemplo ta gift certificates di Dr. Walker pa tratamento di problema cu roncamento y/o beugel.

   E evento tabata den cura di Graf von Zinzendorf School y e subasta mes lo ta den gymzaal di e scol. Den un subasta silencioso ta mustra interes pa un mercancia door di skirbi e contribucion cu ta desea di haci riba un papel (asina yama “bid card”). Tanten cu e subasta no sera otronan tambe por indica (atrobe via papel) cu ta desea di contribui cu un suma mas halto pa e mesun mercancia.

   E anochi aki tabatin entretenimento di entre otro steelpan di Nico Connor y e grupo di baile di Methodist Church na Playa. Lady DJ tambe tabatey pa trece ambiente di pasco. Tabata bunita pa mira publico contribui cu Meals on Wheels cu ta duna 80 famia cuminda cayente 2 biaha pa siman. Aruba Methodist Church ta existi pa mas cu 80 aña na Aruba y tambe ta sigui yuda esnan vunerable den momento di necesidad.