Exitoso presentacion di Ciclo 2 di Let’s Act na Centro Famia Piedra Plat

ORANJESTAD (AAN): Diasabra dia 26 di September 2026 tabata un momento masha bunita pa mira e trabao,

dedicacion y creatividad realisa den e di 2do Ciclo di Let’s Act na FCFPP.

   A duna lesnan di arte, musica, actuacion, canto, baile, pintura, y cosemento cu un promedio di 40 participante. “Let’s Act”. Ta un iniciativa cu a nace pa stimula expresion creativo, desaroyo personal y integracion cultural den nos comunidad Arubano. E esencia ta mas cu un curso di arte e ta un movimiento pa empodera y conecta nos comunidad cu otro.

   Un danki special ta bay na CEDE Aruba cu a ricibi Subsidie for di Hulanda (Cultuureducatie voor het Caribisch deel van het Koninkrijk). Pa medio di e apoyo aki e proyecto Let’s Act na Aruba a keda realisa. Tambe nos ta gradici tur nos instructornan / docentenan cu a duna les.

   E bon noticia ta cu programa Let’s Act ta continua na FCFPP cu lesnan di musica, pintura (schilder) y baile, y lo sigui tambe pa e periodo 2027-2028. Cu apoyo di CEDE Aruba dunando asina oportunidad pa nos comunidad desaroya talento, creatividad y expresion cultural.

   Pa mas informacion por tuma contacto via WhatsApp 699-5545 of telefon 585-5544. Of pasa personalmente na oficina entre 9:00 am. pa 5:00 pm. Di Dialuna pa Diabierna na Centro na Piedra Plat 50.