Yen di hende a acudi na San Nicolas Pop-Up Market cu su prome aniversario

ORANJESTAD (AAN): Diasabra cu a pasa, Plaza Lolita tabata yen di bida. Hopi bishitante,

famianan y comerciantenan a reuni pa celebra e prome aniversario di San Nicolas Pop-Up Market, un iniciativa cu den apenas un aña a crece y bira un punto di encuentro importante den centro di San Nicolas.

   Pero e exito mas grandi no ta solamente cantidad di hende cu a yega. Ta mira nos comerciantenan local haya un plataforma pa bende nan producto, conecta cu cliente nobo y sigui crece. Ta mira comunidad sostene nan. Y ta mira San Nicolas cu mas actividad, mas oportunidad y mas bida.

   Un aña pasa, Ministro Geoffrey Wever a cuminsa cu un vision. Awe, e comunidad a haci e vision aki nan realidad.

   “Mi ta gradici tur comerciante cu a sostene e iniciativa cu nan participacion, tur persona cu a bishita y tur esnan cu a contribui durante e ultimo aña pa haci e San Nicolas Pop-Up Market un exito,” Ministro Wever a declara.  E mes tabatey presente pa mira tur cos.

   El a finaliza bisando: “Nos ta sigui inverti den oportunidad pa nos negoshinan chikito y den un centro di San Nicolas cu ta biba y prospera.”