Exitoso lesnan di Coding di Gamma IT Solution duna na hobennan

ORANJESTAD (AAN): Awo cu vakantie a cuminsa Gamma IT Solutions a organisa tres mainta di coding classes pa studiantenan entre 9 cu 17 aña.

   E studiantenan a siña con pa traha un website den e lenguahe Angular. Riba e website nan por a pone nan nomber y mas informacion di nan mes manera nan hobby, muziek favorito, weganan favorito etc.

   Ademas nan a siña con pa pone informacion den e website, con pa pone potret y video. Na cabamento nan por a presenta nan website na e otro studiantenan.

   Tur lesnan tabata completamente gratis y  a wordo duna door di Software Developers di Gamma IT Solutions Xavier Osorio cu a prepara y duna e les y Clifford Croes cu a asisti e studiantenan durante e lesnan.

   Na final di e dia tur e studiantenan a ricibi un certificado di participacion.   E ekipo di Gamma IT Solutions ta hopi contento di wak e interes den e muchanan di Aruba pa cu coding y ta haci un yamado na e mayornan pa sigi stimula e interes aki.