Exitoso evento di Fun 4 Every 1 Racing Team pa recauda fondo

ORANJESTAD (AAN): Tabata Diasabra merdia cu e organisacion deportivo di ‘Fun 4 Every 1 Racing Team’, cu ta competi semper den caredanan di dragrace cu nan motorcycle, a tene un evento pa recauda fondo.

   Esaki tabata den forma di un Barbecue cu a ser teni na tereno di Papaya Ranch.  E mecanico y specialistanan di e motorcyclenan, a demostra nan habilidad fenomenal di prepara delicioso cuminda, acompaña pa aroz, salada y banana pa bende cu nan sostenedornan y publico en general.

   Nan boluntarionan a traha na un forma hopi eficiente pa asina percura cu tur cuminda ta sali na tempo, y cu clientenan ta haya bon servicio.  Alaves a pone algun motorcycle di careda pa specialmente muchanan para banda di nan y saca potret.